ღვთის კარზე სათქმელი იავნანა
ნანა ნანაო
მზე სივრისა ოქროს ბუჩქებს ჭამენ
საქართველოს თავზემდებარე დედა
მზისა და მთვარისა
იავნანა ნანინა
ნანებით მოგმართავო
უფლის დედოფალო დედაო მარიამო
იესო ქრისტევ ძევ ღვთისაო ღვთისპირო ქებისაო
ჯვართა და ამაღლებისაო
იავნანაო ჰაიდა და მრავალჟამიერ
ნანებით მოგმართავო
თამარ მოწამეო, მთავარ ანგელოზ
სამებავ ერთ არსებაო
ბევრთ ხატის დამრქმელისაო
მაგდან დედა მოიავნანე
მოდაირე ხელქმნისაო
იავნა და ჰო ჰო ჰო
ჰაიდა და მრავალჟამიერო
ნანებით მოგმართავო
წყაროს თავს წმინდა გიორგი
ალავერდო გულისაო
საქართველო დედაბოძო ქეთევანო
უკვდავო სულისაო
დიდება ქება თქვენც უკვდავებასო
იავნა და ჰო ჰო ჰო
ჰაიდა და მრავალჟამიერო
ნანებით მოგმართავო
აწყურის თავს მჯდომარი გიორგი მოსამართლეო
შუამთის ღვთისმშობელო ნინო წმინდავ ქართველთა განმანათლებელო
კაბადოკიელო
ნინო წმინდავ ქართველთა განმანათლებელო
კაბადოკიელო
დიდო საუფლიანო დიდო საძირკვლიანო
და სამართლიანო
იავნა და ჰო ჰო ჰო
ჰაიდა და მრავალჟამიერო
ნანებით მოგმართავო
გავაზო გიორგი დიდო სალოცავო ნეკრესა ღვთისმშობელო
ქართველო კაცო მხვნელ-მთესავო ოქროი გუთნიანო
იავ და ჰო ჰო ჰო, ჰაიდა და ნანა მრავალჟამიერო
ნანებით მოგმართავ დიდო კოპალე
დედითგან უკვდავი ივანე ნათლის მცემლისა
სვეტიცხოველო ცოდვა და მადლიანო ხისაო
მამათა საძმო საუფლო კეთილად დამითულისაო
იავ და ჰო ჰო ჰო
ჰაიდა და ნანინა მრავალჟამიერო
ნანებით მოგმართავო
უკანჭლის წმინდა გიორგო მოგზაურო ხახმატო
ხმალო ხმალუნისაო ივრის თავს მბრძანებელო დიდო საუფლიანო
დიდო საძირკვლიანო და დიდო სიმართლიანო
იავ და ჰო ჰო ჰო
ჰაიდა და მრავალჟამიერო
ნანებით მოგმართავო
წამლის დედავ დიდო ძირკვიანო დიდო მხრიანო
დიდო დოდებიანო ლაღ ლაშარის ჯვრისაო
დედავ თამარის ძელ ჭეშმარიტო უსახლკარო ბინაო
ქება პირი ღვთისაო
დიდი და დიდი ბატონისა ლაშარის დამრიგებლისაო
იავ და ჰო ჰო ჰო
ჰაიდა და ნანა მრავალჟამიერო
რაა ივრის ცარელა მიდამო
ქვეყნა იყო დარჩომითაო
პატარა შვილები გვაჩუქე დიდი ივერთა სისხლისა
ცოტა მადლით ცოდვიანი ქვეყანა დაგვიხსენითო
წაღმა რო ჩაჰგვიბრუნე ვაჟკაცები მარჯვენითაო
იავ და ჰო ჰო ჰო
ჰაიდა და მრავალჟამიერო
გაუმარჯოს დღე ღამე მზე მთვარე ვარსკვლავ მნათობთა
აღმოსავლეთ დასავლეთ ჩრდილოეთ სამხრეთსა
შავ ზღვიდან შავ ზღვამდე
თეთრი მათრახით მატარებელი გიორგისაო და
იავ და ჰო ჰო ჰო, ჰაიდა და მრავალ და ჟამიერო
გაუმარჯოს სამასსამოცდასამ წმინდა გიორგებსა
ყველაზე დიდ მსჯავრდებელსა
დიდება ძალასა მშვიდობა საქართველოსა ჩვენსაო
იავ და ჰო ჰო ჰო, ჰაიდა და ნანინა მრავალჟამიერო
მარიამ ჭინჭარაული